Udalsarea 2030ek atzo, ekainaren 18an, Batzorde Teknikoaren bilera berri bat egin zuen Gasteizen. Tokiko erakundeen arteko koordinazio-gune horretan, klima-ekintzaren eta jasangarritasunaren arloko aurrerapen eta lan-ildo nagusiak aztertu ziren.

Saioa hasi aurretik, ‘Euskadiko babesleku klimatikoen sarea 2026. Tokiko erakundeentzako irizpide teknikoak’ gida aurkeztu zen. Tresna horren helburua da udalerrietan espazio horiek identifikatu eta garatzen laguntzea, bero-boladen eta beste klima-arrisku batzuen aurrean egokitzapen-neurri gisa.

Ondoren, Batzorde Teknikoak udaletako eta eskualde-erakundeetako teknikariak bildu zituen ezagutza partekatzeko, jardueren jarraipena egiteko eta klima-trantsiziora bideratutako tokiko estrategien definizioan elkarrekin aurrera egiteko.

Guztira, 2026an mota horretako lau topaketa egin dira, udal-eremuko 41 pertsona eta udalaz gaindiko 27 erakunderen parte-hartzearekin; horien artean, 3 eskualde-erakunde eta 124 udalerriren ordezkaritza izan dira.

Saioa urteko bigarren hiruhilekoan garatutako jardueren errepasoarekin hasi zen. Horien artean, Goierrin eta Meatzaldean antolatutako eskualde-topaketak nabarmendu ziren; topaketa horien helburua izan da sarearen jarduera lurraldera hurbiltzea eta klima-egokitzapenaren arloko ezagutza-transferentzia erraztea. Guztira, 2026an mota horretako lau topaketa egin dira, udal-eremuko 41 pertsona eta udalaz gaindiko 27 erakunderen parte-hartzearekin; horien artean, 3 eskualde-erakunde eta 124 udalerriren ordezkaritza izan dira.

Halaber, maiatzean eskualde-erakundeen urteko topaketa egin zen. Bertan, hamar mankomunitate, garapen-agentzia eta kuadrillak parte hartu zuten, guztira 76 udalerri ordezkatuz. Topaketaren ardatzak izan ziren, besteak beste, Energia eta Klima Batzordeak, klima-gobernantzari nola erantzun eta hondakinen kudeaketarekin lotutako gaiak. Aldi berean, IVAPek hainbat ikastaro antolatu ditu tenperatura altuen eta amianto-errolden elaborazioaren inguruan. Era berean, prozesu horretan dauden udalerriekin saio praktiko bat egin da, esperientziak partekatzeko eta hainbat alderditan aurrera egiteko, hala nola etorkizunean sortuko den leihatila bakar batean egindako erroldak Eusko Jaurlaritzako sail ezberdinei aurkezteko aukeran.

Natura Oinarritutako Konponbideak tokiko eremuan

Topaketaren ardatz nagusietako bat klima-aldaketaren aurrean tokiko ekintza sustatzea izan da, bereziki egokitzapen- eta erresilientzia-ikuspegietan arreta jarriz. Testuinguru horretan, Nerbioi-Ibaizabal eskualdean Natura Oinarritutako Konponbideak (NOK) ezartzeko diagnostikoa eta proposamena aurkeztu dira. Mankomunitate hori duela gutxi sortu da, eta lurralde-aniztasun handiko bederatzi udalerrik osatzen dute.

Nerbioi-Ibaizabal eskualdean Natura Oinarritutako Konponbideak (NOK) ezartzeko diagnostikoa eta proposamena aurkeztu dira. Mankomunitate hori duela gutxi sortu da, eta lurralde-aniztasun handiko bederatzi udalerrik osatzen dute.

Proiektua Eskualdeko Klima eta Energia Planetik sortu da. Plan horrek agerian utzi zuen egokitzapenari buruzko planteamendu orokorretatik lurraldeko ekintza zehatzetara igarotzeko beharra. Horretarako, analisi xehea egin da, irizpide anitzeko metodologian oinarrituta, udalerri bakoitzerako egokitutako esku-hartze espezifikoak identifikatu eta haien bideragarritasunaren arabera lehenesteko. Udalen inplikazio zuzena izan duen lan horren helburua da, gainera, konponbide mota horiek udal-kudeaketan modu sistematikoan txertatzea eta klima-aldaketarekin lotutako arriskuen prebentziora bideratutako ikuspegi-aldaketa sustatzea.

“Proiektua amaitu ondoren gure helburu nagusia da udalek eguneroko jardunean konponbide mota hauek sustatu eta garatu ahal izatea", nabarmendu du Maider Fernándezek, Nerbioi-Ibaizabal Mankomunitateko ordezkariak.

Erosketa eta kontratazio publiko berdea eta osasunaren eta klimaren ikuspegitik egindako proiektuen diseinua, udal-erresilientziarako tresnak

Ildo beretik, erosketa publiko berdearen zeregina aztertu zen, tokiko mailatik klima-ekintza sustatzeko tresna gisa. Saioan arreta berezia jarri da tokiko erakundeetan haren ezarpena indartzeko beharrean, gero eta integratuago egongo den ingurumen-politika eta araudien esparru baterantz aurrera eginez. Proposatutako lan-ildoen artean daude tokiko erakundeetara egokitutako jarraibide tekniko bat garatzea, jardunbide egokiak identifikatzea eta aplikazioa errazteko baliabideak indartzea.

Topaketan klima-aldaketaren eta osasunaren arteko lotura ere landu zen, tokiko plangintzan gero eta garrantzi handiagoa duen eremua baita. Testuinguru horretan, hiriZAIN tresna aurkeztu zen. Tresna hori tokiko erakundeei laguntzeko baliabidea da, osasuna, ekitatea eta klima-ekintza hirigintza-plangintzan integratzea errazteko.

hiriZAIN tresna aurkeztu zen. Tresna hori tokiko erakundeei laguntzeko baliabidea da, osasuna, ekitatea eta klima-ekintza hirigintza-plangintzan integratzea errazteko.

Tresna Udalsarea 2030en esparruan 2014an diseinatutako baliabidean oinarritzen da, eta LIFE IP Urban Klima 2050 proiektuaren bidez eguneratu da, Eusko Jaurlaritzako Osasun Sailarekin, BC3rekin eta Ihoberekin lankidetzan. Hiri-planak eta -proiektuak osasunean eta klima-erresilientzian duten eraginaren arabera aztertzeko aukera ematen du, ikuspegi horiek udal-politiketan modu zeharkakoan txertatzea sustatuz.

"Ongizate fisikoan, mentalean eta sozialean jartzen dugu arreta. Hiru faktore horiek funtsezkoak dira herritar osasuntsuak lortzeko, eta udal-azpiegitura berde eta jasangarriak oso garrantzitsuak dira horretan", adierazi zuen Estibaliz Ruiz Gonzalezek, Eusko Jaurlaritzako Osasun Sustapeneko teknikariak.

Saioan Legazpiko kasu pilotua ere aurkeztu da, tresnaren aplikazio praktikoa erakusteko. Kasu horretan, hondakin mota askok —amiantoa barne— degradatutako espazio baten berreskuratze eta birnaturalizazioaren diseinua egin da, ikasleek maiz erabiltzen duten azpiegitura berde seguru bihurtzeko.

Uztailaren 7an udal-hondakinen tasen inguruko bilera praktikoa egingo da.

Amaitzeko, Batzorde Teknikoak Udalsarea 2030en hurrengo ekitaldiak aurkeztu ditu: uztailaren 7an egingo den udal-hondakinen tasen inguruko bilera praktikoa, eta sareak sustatutako sentsibilizazio- eta herritarren parte-hartze ekimen berriak. Horrez gain, dagoeneko ezagunak dira ASTEKLIMAren datak (urriaren 16tik 25era) eta ‘ADAPT AKTION Euskadi 2050. Klima-aldaketara egokitzeko soluzioen foroa’ ekitaldiarenak. Ekitaldi horrek LIFE IP Urban Klima 2050 proiektuaren amaiera markatuko du, eta Euskadiko klima-ekintzarako etapa berri bati hasiera emango dio erresilientziaren alde lanean jarraitzeko. Bilbon egingo da azaroaren 24an eta 25ean.