Eskualde-erakundeek funtsezko eginkizuna betetzen dute Udalsarea 2030en barruan, horiek osatzen dituzten toki-erakundeen ordezkari zuzen gisa eta eskualde-mailako ikuspegiarengatik eta politikak modu mankomunatuan bultzatzeagatik.

Udalsarea 2030ek etapa berri bati ekingo dio une honetan, 20 urteko sare-lanaren babesarekin eta etorkizunari begira. Sareak ezinbesteko erreferentzia izan nahi du udalentzat, bere zerbitzu aurreratu eta berritzaileei esker, eta Garapen Jasangarriko Helburuei egindako ekarpenarengatik, batez ere klima-neutraltasunaren eta -erresilientziaren, lurzoruaren babesaren eta ekonomia zirkularraren esparruetan.

Sareak eskualdeentzako topagune espezifikoa eskaintzen du, tokiko errealitatera hurbiltzeko eta helburuei eta baliabideei dagokienez berezko ezaugarriak ezagutzeko, bai eta haien eskaera espezifikoak ere.

Tokiko jasangarritasunaren arloko politikak diseinatzeari eta hedatzeari dagokionez eskualde bera partekatzen duten udalerriek interes eta eskaera komunak trukatu ditzakete topaketa horietan. Ekimena elkarrizketarako gune irekia da, eta bertan ordezkari politikoek eta teknikariek hartzen dute parte.