Udalsarea 2030ek harremanak ditu tokiko garapen jasangarriaren alde lan egiten duten antzeko beste sare batzuekin. Estatuan, nabarmentzekoa da Xarxa de Ciutats i Pobles cap a la Sostenibilitat de Catalunya erakundearekin eta Jasangarritasuneranzko Toki Entitateen Nafarroako Sarearekin lankidetzan egindako ibilbidea. Sare horiekin lan-bilerak egin dira, esperientziak partekatu dira eta proiektuak elkarrekin gauzatu dira.
Nazioarteko eremuari dagokionez, Udalsarea 2030 2003tik dago Garapen Jasangarrien aldeko Tokiko Gobernuen Sarean (ICLEI). Ildo horretan, 2016an, Herri eta Hiri Jasangarrien 8. Konferentzia egin zen Euskadin. Lau urtean behin egiten da, eta, horren ondorioz, Euskal Adierazpena onartu zen, gizarteak hiri eta herri produktibo, jasangarri eta erresiliente bihurtzeko printzipio-esparru gisa.
Harrezkero, Eusko Jaurlaritzak, Aalborg hiriarekin eta ICLEIrekin batera, Hiri Jasangarrien Kanpaina bultzatu du, Europako hainbat lekutan gauzatutako ekintza eraldatzaileen datu-basea biltzen duena.
Esparru horretan, kanpainak eraldaketa-ekintza jasangarriaren Europako saria ematen dio urtero, Eskualdeetako Europako Komitearen laguntzarekin, bere komunitatearen eraldaketa soziokulturala, sozioekonomikoa eta teknologikoa bultzatzeko Euskal Adierazpenean jasotako 15 jarraibideak ezartzen dituen hiri, eskualde edo gizarte zibileko erakundeari.
Egindako ekintzak tokiko edo eskualdeko ekarpenak dira, Garapen Jasangarrirako Helburuak eta Parisko Klima Akordioa ezartzeko.
Ohar Legala © Ihobe S.A. Urkixo zumarkalea, 36 Zk - 6. solairua, 48011 BILBO
Telefonoa: 94 423 07 43 - Faxa: 94 423 59 00 - h.el: info@ihobe.eus - Web-gunea: www.ihobe.eus
www.ihobe.eus webguneko edukiak Creative Commons Espainia 3.0 Aitorpena daukan lizentzia baten mende daude, aurkakoa adierazten ez bada, behintzat.
Erabilera baldintzak irakurri eta onartu ditut