2015ean Nazio Batuen Biltzarrak (NBE) Garapen Jasangarrirako Helburuak (GJH) onartu zituen, 2030ean lortu beharreko ibilbide-orri gisa. Tokiko politika publikoen ekarpena funtsezkoa da mugarriak lortzeko. Udalsarea 2030 sarearen erronketako bat tokiko eremutik behar globalei erantzutea da.

Udalsarea 2030en 20 urteko ibilbidearen ondoren, kide diren erakundeak Tokiko Agenda 21ean oinarritutako gobernantza-eredutik Nazio Batuen 2030 Agenda-n oinarritutako eredu berrirako trantsizioa egiten ari dira.

2018an ikuspegi estrukturaletik abiatu zen sarearen bilakaera eta aurrera egin du, 2019an Udalsarea 21 izenetik Udalsarea 2030 izenera aldatuz.

2030 Agendak administrazioaren maila desberdinen arteko lotura izan nahi du, horretarako 2030 Agendaren garapena eta Nazio Batuek markatutako 17+1 Garapen Jasangarriko Helburuak oinarri hartzen dituelarik. Euskadin, Eusko Jaurlaritzak Eragile Anitzeko Foroa dinamizatzen du arlo honetako ekintzak sustatzeko, Udalsarea 2030 foro honetako partaide aktiboa delarik.

Udalsarea 2030en helburuetako bat da sareko kideek jasangarritasunaren arloko ekintzak eta jardunbide egokiak gauzatzen jarraitzea. Helburu hori betetzeko Udalsarea 2030 Garapen Jasangarrirako Helburu hauetan zentratzen da zehazki: Osasuna eta Ongizatea (3. GJH), Ur Garbia eta Saneamendua (6.GH), Energia Irisgarria eta Ez Kutsagarria (7.GJH), Hiri eta Komunitate Jasangarriak (11.GJH), Ekoizpen eta Kontsumo Arduratsuak (12.GJH), Klimaren Aldeko Ekintza (13.GJH), Itsaspeko Bizitza (14.GJH), Lehorreko Ekosistemetako Bizitza (15.GJH) eta Helburuak Lortzeko Aliantzak (17.GJH).