2021eko abenduan onartu zenetik, EAEko 35 enpresa publiko atxiki zaizkio erosketa eta kontratazio berdearekiko konpromisoari, Euskadiko Erosketa eta Kontratazio Berdearen 2030erako Programaren esparruan. Eusko Jaurlaritzaren ekimen horren helburua da EAEko administrazio publikoek egiten dituzten ingurumen-inpaktu handieneko kontratazioen eta erosketen % 75 irizpide jasangarrien bidez egitea hamarkadaren amaierarako. Era berean, 150 erakunde publikok eta 50 erakunde pribatuk horren inguruko konpromisoa formalizatzea lortu nahi da. Gorde Euskadiko Erosketa eta Kontratazio Berdearen 2030erako Programak erronka berriak hartzen ditu bere gain, lehentasunezko hiru eremuetan (ekonomia zirkularra, klima-aldaketa eta natura-ingurunea eta biodibertsitatea) EAEko ekonomiaren eta ingurumenaren politikaren koherentzia ziurtatuta, erosketa eta kontratazio berde publikoaren ezarpena sendotuta eta, berrikuntza nagusi gisa, enpresa-sektorea mobilizatuta irtenbide jasangarriak ere eskain ditzan, ingurumen-errendimendu handiagoa eta lehiakortasun handiagoa bateratuz.2030erako Euskadiko Erosketa eta Kontratazio Berdearen Programak lantaldeak sortzea aurreikusten du, administrazioen profilaren arabera, lizitazioetan ingurumen-irizpideak txertatzeko, Udalsarea 2030 sarearen esparruan.Era berean, lantalde bat sortzea ere jasotzen du, obretan bigarren mailako materiala sartzen dela bermatzeko, 2030eko Euskadiko Hondakinak Prebenitzeko eta Kudeatzeko Planean zehaztutako erabilera eta kalitateekin bat etorriz.Azaroaren 8an eta 10ean, bi bilera egin ziren 2030erako Euskadiko Erosketa eta Kontratazio Berdearen Programa abian jartzeko. Azaroaren 8an, Gasteizen, aipatutako programa Eusko Jaurlaritzako sailen artean hedatzeko bilera operatiboa egin zen, eta azaroaren 10ean, berriz, bilera Bilbon izan zen, programari atxikitako erakundeei zuzenduta. Bi bileretan, erosketa berdea ikuspegi orokorretik planteatzeaz gain, obraren eta eraikuntzaren alorra berariaz landu zen.Helburu hauek lortu nahi izan dira: parte hartzen duten erakundeek erosketa publiko berdea hedatzeko erabilgarri dauden baliabideak ezagutzen dituztela bermatzea, erakunde parte-hartzaileen eskaerak eta beharrak jasotzea, hedapen praktikorako, eta antolaketa-modu egokiena adostea.Horrela, helburuetatik abiatuta, parte hartzen duten erakundeen artean ahalik eta baliabide eta sinergia gehien aprobetxatzeko eta ahalik eta emaitzarik onenak lortzeko jarduerarik egokienak diseina daitezke. Anterior Siguiente
11. GJH: Hiri eta komunitate jasangarriak# 12. GJH: Ekoizpen eta kontsumo arduratsuak# 13. GJH: Klimaren aldeko ekintza Gorde 11. GJH: Hiri eta komunitate jasangarriak# 12. GJH: Ekoizpen eta kontsumo arduratsuak# 13. GJH: Klimaren aldeko ekintza Basque Circular Summit 2025ek toki entitateen aurrerapen zirkularra jaso du 2025/04/30
12. GJH: Ekoizpen eta kontsumo arduratsuak Gorde 12. GJH: Ekoizpen eta kontsumo arduratsuak Eusko Jaurlaritzaren Trantsizio Energetikorako eta Klima Aldaketarako Planak emisioak murrizteko eta energia aurrezteko itxaropenak gainditu ditu 2025/04/17
11. GJH: Hiri eta komunitate jasangarriak# 12. GJH: Ekoizpen eta kontsumo arduratsuak# 13. GJH: Klimaren aldeko ekintza Gorde 11. GJH: Hiri eta komunitate jasangarriak# 12. GJH: Ekoizpen eta kontsumo arduratsuak# 13. GJH: Klimaren aldeko ekintza Bizkaiko Foru Aldundiak dirulaguntzen deialdi bat ireki du hondakinen kudeaketaren zirkulartasunerako 2025/03/28
12. GJH: Ekoizpen eta kontsumo arduratsuak Gorde 12. GJH: Ekoizpen eta kontsumo arduratsuak Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera 2025/03/14