Arabako udalerri eta kuadrilletako ordezkariak Gasteizen izan dira gaur goizean, EEEk eta IHOBEk Euskadin energia aurrezteko kontingentzia-planaren esparruan klima- eta energia-helburuei heltzeko bultzatutako laguntza-planaren aurkezpenean. Gorde Ihobeko Ingurumen Jasangarritasuneko zuzendari Xabier González Vegas, bi erakundeetako teknikariekin batera, Gasteizko alkate eta Arabako Lautadako eta Añanako alkate zein kuadrillekin bildu da, baita zinegotziekin eta teknikariekin ere, “Erreminta-Gida” aurkezteko. Honek tokiko erakundeek energiaren, klima-aldaketaren eta jasangarritasunaren arloan ekimen berriak garatzeko izan ditzaketen laguntza-tresnak jasotzen ditus. Bileran Gasteizko Udaleko alkateorde eta Lurralde eta Klimaren aldeko Ekintzako zinegotzi Ana Oregik parte hartu du baita ere. Nabarmentzekoa da Lanbiderekin eta Novia Salcedo Fundazioarekin egindako akordio bati esker udaletan eta tokiko mankomunitateetan teknikariak kontratatzeko laguntzaBilera horretan, Xabier González Vegas Ihobeko Ingurumen Jasangarritasuneko zuzendariak azpimarratu du tokiko eragileek zeregin garrantzitsua izan dezaketela krisi klimatikoari eta energetikoari aurre egiteko palanka gisa, eta udal-ordezkariei, eskualdekoei eta teknikariei ekimen garrantzitsu baten berri eman die, toki-administrazioetan teknikariak hautatzeko eta kontratatzeko aukera emango duena. “Lanbiderekin eta Novia Salcedo Fundazioarekin akordio baten bidez toki-administrazioetan teknikariak aukeratu eta kontratatzeko plan bat egin dugu. Klima aldaketa eta trantsizio energetikorako 30 teknikariren kontratazioa bultzatuko dugu urtebetez”, iragarri du.Langile horien baturari esker, toki-administrazioek errazago ekin ahal izango diete klima- eta energia-planei, bai eta “Erreminta-Gida” dokumentuan aurrezteko eta berriztagarriak ezartzeko jasotzen diren neurriak hedatzeari ere. Energiaren Euskal Erakundeak eta Ihobek egindako gida hau Euskadin energia aurrezteko Kontingentzia Planari erantzuten saiatzen da, eta klima-aldaketa arintzeko eta klima-aldaketara egokitzeko helburuak betetzen aurrera egitea ahalbidetuko du, Eusko Jaurlaritzak 2019ko uztailean larrialdi klimatikoa deklaratu ondoren.Bestalde, ekitaldian zehar bertaratuek bat egin dute "19a nonahi dago, seinale bat ote?" kanpainarekin, berogailuen gehieneko tenperatura 19ºC-ra mugatuz energia aurreztu nahi duen kanpainarekin, alegia.EEE eta IHOBE Euskadiko udalei, mankomunitateei, koadrilei, garapen-agentziei eta landa-garapeneko elkarteei egiten ari diren hamaika aurkezpenetako bat izan da gaurkoa, erakunde horiek, Udalsarea 2030en bidez, Udalerri Jasangarrien Euskal Sareak jaso ditzaketen laguntzen berri zuzenean emateko. Anterior Siguiente
11. GJH: Hiri eta komunitate jasangarriak# 13. GJH: Klimaren aldeko ekintza Gorde 11. GJH: Hiri eta komunitate jasangarriak# 13. GJH: Klimaren aldeko ekintza Euskadik Regions4Climate-ren Batzar Nagusian parte hartu du, Kretan, kostaldearen egokitzapenerako Txingudin gauzatzen ari den ekintzak aurkezteko 2024/04/23
13. GJH: Klimaren aldeko ekintza Gorde 13. GJH: Klimaren aldeko ekintza Vitoria-Gasteizko Udala eta Alboan Fundazioa finalistak dira Hondakinen Prebentziorako Europako Sarietan 2024/04/22
13. GJH: Klimaren aldeko ekintza# 3. GJH: Osasuna eta ongizatea Gorde 13. GJH: Klimaren aldeko ekintza# 3. GJH: Osasuna eta ongizatea KLIMA Azokak herritarrak mobilizatuko ditu Berdeago azokaren hamargarren urteurrenean 2024/02/26
13. GJH: Klimaren aldeko ekintza# Udalsarea 2030 Gorde 13. GJH: Klimaren aldeko ekintza# Udalsarea 2030 Klima Aldaketari eta Energia Trantsizioari buruzko Lehen Esperientzien Programaren bigarren edizioa hasi da 2024/02/23