Jardunaldian, Gipuzkoako udalen eta eskualde mailako erakundeen garapen jasangarriaren arloko esperientziak eta politikak ezagutarazi dira

Jardunaldian garapen jasangarriaren arloko esperientziak eta politikak partekatu dituzten udal ordezkariek eta Gipuzkoako eskualde mailako hainbat erakundek hartu dute parte, hala nola, Sebas Zurutuza Gipuzkoako Foru Aldundiko Estrategia zuzendari nagusiak; Xabier Txurruka Zarauzko alkateak; Koldobike Olabide Legazpiko alkateak; eta Iker Urruzola Aizpurua Zizurkilgo alkate eta Tolosaldea Garatzeneko presidenteak. Egin dituzten ekintzak eta hurrengo urteetarako bete beharreko helburuak balioesten dituen elkargunea eta bateragunea.

Txurrukak nabarmendu duenez, “parte-hartzea eta lankidetza dira gure lan egiteko era”, eta “komunikazioa herritarrak prozesu horretan inplikatzeko tresna da”. Era berean, Legazpik Garapen Jasangarriko Helburuen arloan inbertitzen duen aurrekontua balioetsi du Olabidek: “11.306.361 euroko aurrekontua du guztira, eta lehen aldia da aurrekontu ekonomikoa Garapen Iraunkorreko 18 Helburuetara egokitzen duguna”. Horrela, aurrekontuetan garrantzi handiena duten GJHak 2022ko guztizko gastuaren % 80 dira, eta honako hauek dira: bakea, justizia eta erakunde sendoak, pobreziaren amaiera, hiri eta komunitate jasangarriak, kalitatezko hezkuntza eta osasuna eta ongizatea. Gainera, Zurutuzak Etorkizuna Eraikiz ekimena nabarmendu du: “Etorkizuna Eraikiz ekimenaren barruan lau lan lerro azpimarratu, udalerri mailan zaintza-ekosistema, inklusioa Elkarrekin ekimena bitartez (enplegagarritasuna lanean), xedeak (mugikortasun berriak eta elikadura jasangarria eta udal etorkizuna eraikiz. Beharrezkoa erronka berriei erantzuna emateko guztion elkarlana, publiko-publiko eta publiko-pribatua”.

Beste alde batetik, Iker Urruzola Aizpuruak hau azpimarratu du: “udalerri guztien elkarlana oso garrantzitsua da eskualde mailan, ekimen moduan nabarmentzen dugu energia-mahaia (energia kontsumoaren kontrolerako tresna, energia berriztagarriak udal eraikinetan, aholkularitza lanak energia bulego birtual baten bitartez), Elhuyar Fundazioarekin zientzia eta teknologia gazteei hurbildu BIZILABE ekimena, turismo jasangarria helburu izango duen plan estrategikoa garatu, eskualde ikuspegiarekin eta turismo bulego bat martxan jartzea beste proiektu batzuen artean”.

Udalsarea 2030en 2022-2025 Plan Estrategikoaren eta lankidetzarako esparru-akordio berriaren esparruan udaletako eta eskualdeetako ordezkariek izan duten elkarrizketa-gune ireki batekin amaitu da topaketa. Horiek gidatuko dute datozen urteetan sarearen ibilbidea eta lana.

Jardunaldiari buruzko informazioa: Zarautz