Konponbide Naturalen Taldeak udalerrian naturan oinarritutako konponbideak ezartzea erraztu nahi du, ingurumen- eta gizarte-erronkei aurre egiteko, klima-aldaketa egokitu eta arintzea, lurzoru degradatuak berreskuratzea, hiria eta eraikinak birgaitzea, itsasertzeko inguruneetara egokitzea eta abar bezalako arloetan.

Lan egiten du tokiko erakundeei ezagutza eta tresnak emateko, naturan oinarritutako konponbideen ezarpena errazteko, udalerriek konponbide horiek ezartzeko dituzten beharrak eta zailtasunak identifikatzeko (zailtasun teknikoak, kostua, mantentze-beharrak, ezjakintasuna, etab.), naturan oinarritutako konponbideen ezarpenean arrakasta-esperientziak (eraginkorrak, efizienteak) ezagutu eta zabaltzeko, eta finantzaketa-bideak eta -programak identifikatzeko.


Konponbide Naturalen taldeko kideak honako hauek dira:

Tokiko 2030 Agenda ezartzeko lantaldeak topagune bat sortzeko bokazioa du, non udalerri eta/edo eskualde mailan 2030 Agenda diseinatzen lan egiten duten tokiko eragileek esperientziak partekatu ahal izango dituzten.

Sareak udalerriei 2030 Agenda ezartzen laguntzeko garatu duen hirugarren lan-taldea da.

2030 Agendak garapen jasangarria planifikatzeko esparru homogeneoa eskaintzen du administrazioaren maila guztietan, eta udalerrien eta eskualdeen kasuan, garapen jasangarriari laguntzen dioten tokiko politikak koordinatzeko eta behin betiko zeharkatzeko beharrezkoa den aldaketa eragin dezake.

Lantaldea garapen jasangarriaren ibilbide-orria berritzen duten toki-erakundeen arteko topagune eta ikaskuntza-gune bat da, eta Garapen Jasangarrirako Helburuekin lerrokatzen du.

Tokiko 2030 Agenda taldeko kideak, lurraldez lurralde, honako hauek dira:

Talde honen helburua Euskadiko lurzorua babesteko 2030erako estrategian dauden ekintzak eta udal-politikak hedatzea da. Udalerriek lurzoruaren kudeaketa jasangarrirako lehentasunezko jardun-eremuak identifikatzen dituzte, eta beren funtzioak zaintzea eta mehatxuak minimizatzea ahalbidetzen duten tresnak eraikitzen dituzte elkarlanean (kutsadura, artifizializazioa, materia organikoaren galera, irristatzeak).

Gainera, udal-kudeaketako hainbat eremutako profesionalek lurzoruaren kudeaketari buruz eskatzen dituzten informazio-beharrei eta jardunbide egokiei erantzuten die taldeak, hala nola hirigintzakoa, nekazaritza eta abeltzaintzakoa, basogintzakoa eta ingurumenekoa.

Gaur egun, honako hauek dira taldekideak:

Ekintza klimatiko taldeen helburua klimaren eta energiaren arloko tokiko ekintza dinamizatzea da, ekintzara pasatzeko eta udalerriak Klimaren eta Energiaren aldeko Alkatetzen Itunaren Europako ekimenarekin bat egitera bultzatzeko, haien apustuaren eta konpromisoaren isla gisa. Ekimena LIFE Urban Klima 2050 proiektuaren barruan dago.
 
Horretarako, klimaren eta energiaren arloko tokiko errealitateei erantzuna ematea helburu duen estrategia prestatzen ari da, ekintzak abian jartzea eta Klimaren eta Energiaren aldeko Alkatetzen Itunari atxikitzea sustatzeko.
 
Estrategia gidatzeko bi talde definitu dira: trakzio-taldea eta lantaldea.
 
Trakzio-taldea 12 udalerrik eta 3 eskualdek osatzen dute, eta gaian duen esperientziarengatik prozesu osoan zehar erreferentzia gisa balio du. Kideek estrategia diseinatzen laguntzen dute, eta estrategia hedatzeko eragile inspiratzaile gisa jarduten dute. Era berean, estrategiak abian dituzten ekintzak eguneratzen eta horien jarraipena egiten lagunduko die. Hauek dira trakzio-taldeko kideak:

Erosketa eta Kontratazio Berdea zeharkako tresna bat da helburu politiko osagarriak lortzeko, hala nola klima-aldaketaren aurkako borroka, baliabide naturalen erabileraren eraginkortasuna, enpresa txiki eta ertainen garapena edo ekoberrikuntza.

Udalsarea 2030ek bultzatutako Erosketa eta Kontratazio Berdea sustatzeko lantaldea “Garapen jasangarritako tokiko politika publikoen ebaluazio eta jarraipenerako 11. programaren” testuinguruan kokatzen da eta honako helburu hau du: udalei eta eskualdeko erakundeei EKB sustatzeko laguntza eta aholkularitza eskaintzea, baliabideak partekatzea eta eremu horretan lanean ari diren euskal erakundeei ikusgarritasuna ematea.

Horretarako, eta erakunde bakoitzaren abiapuntua identifikatu ondoren, bakoitzak bere ibilbide-orria definitzeko lan egingo du. Bertan, erosketa eta kontratazio berdearen arloan ezarritako helburuak lortzeko eta haren jarraipena egiteko jarraitu beharreko urratsak zehaztuko ditu.

Lantalde hau diziplina anitzeko taldea da, eta tokiko erakunde publikoek egiten dituzten erosketetan eta kontratazioetan inplikatuta dauden arloetako teknikariek parte hartzen dute.

Hauek dira EKBren lantaldean parte hartzen duten erakundeak:

Emisio Txikiko Eremu-taldeak (ETE), beren udalerrietan ETE integratzera behartuta dauden udalak eta prozesuan lagun diezaieketen udalaz gaindiko erakundeak biltzen ditu. ETEren ezarpena Klima Aldaketari eta Trantsizio Energetikoari buruzko Legean jasotzen da. Emisio Txikiko Eremuak arautzen dituen abenduaren 27ko 1052/2022 Errege Dekretuak ezartzen duenez, ETEek airearen kalitatea hobetzen eta klima-aldaketa arintzen lagundu beharko dute, eta, horrez gain, kalitate akustikoaren helburuak betetzea, aldaketa modala bultzatzea eta garraiobideen erabileran eraginkortasun energetikoa sustatzea bultzatu beharko dute.

Udalsarea 2030ek, emisioak direla eta ibilgailu jakin batzuetarako sarbidea mugatuta dagoen eremu horiek diseinatzeko eta ezartzeko dinamiketan sortutako esperientziak, arazoak eta soluzioak partekatzeko gunea eskaintzen du.

“Tokiko Politika Publikoen Ebaluazio eta Jarraipenerako Programa” deritzon zerbitzuaren helburua da erakundeei tokiko jasangarritasun ekintzen ebaluazio eta jarraipen prozesuak dinamizatzeko laguntza ematea.

Programan parte hartzen duten erakundeei Ebaluazio eta jarraipen programetan aurreikusitako zereginak egiten laguntzeko helburuarekin, programan zehar hainbat lan saio antolatzen dira. Lan saio horiek erakundeen topagune dira, eta, horietan, batetik, egin beharreko lanak aurkeztu eta sor daitezkeen zalantzak argitzen dira, eta, bestetik, ebaluazioa egiteko, adierazleak kalkulatzeko eta BEG inbentarioak eta Karbono Aztarna kalkulatzeko gune bat eskaintzen da.